تجربة أبوبكر مصطفى
- وش كان سبب دخولك لتخصص الأمن السيبراني؟
من وأنا صغير كنت مهتم إني أهكر الألعاب، وأستكشف وأجرب أشياء غريبة، كنت أعدّل على الألعاب وأحاول أغيّر القيم فيها، أغيّر قيمة المبالغ اللي في اللعبة وأشوف وين يصير التغيير في ملفات اللعبة. كنت أستمتع بالفضول والمنطق البسيط اللي يخليك تقدر تهكر اللعبة وتلعبها بالطريقة اللي تعجبك. فكرة "وش بيصير لو سويت كذا؟" دايمًا في بالي. وش حيصير لو رفعت ملف كود بدل صورة الملف الشخصي؟ أو لو دخلت رقم بدل حرف؟ كلها تجارب تحتاج منك تكون شخص فضولي، وهي اللي تكون سبب في إنك ما ودك توقف تتعلم في المجال، الموضوع كان ممتع جدًا. فكنت دايمًا أعرف إن هذا مجالي.
- كيف تعرف إن تخصص الأمن السيبراني يناسبك؟
ببساطة، خذ لك لحظة وجرب. ادخل تحديات التقط العلم CTFs، جرّب تحديات على TryHackMe، شوف كيف طبيعة التخصص عن طريق التجارب، وبناءً عليها تحدد إذا هذا التخصص يناسبك أو لا. حاول تشوف بعض حلول التحديات عشان تعرف طبيعة حلها، حمّل Kali Linux وابدأ جرّب التحديات الأساسية في الـCTF (جربوا picoCTF general challenges)، فكرتها تحديات تعلّمك فكرة تحديات الـCTF، وصدقني حتستمتعوا. أو جرّبوا تحديات أعلى مستوى حسب معرفتكم وخلفيتكم في المجال. عمومًا، "التجربة خير برهان".
- لو رجع فيك الزمن، هل راح تختار تخصص الأمن السيبراني من جديد؟
بدون تردد، طبعًا حدخل مرة ثانية وثالثة، وحرجع بثقة أكبر وأتعلّم وأرسم خطة تعلّم من بدري وأقوي أساسي. تجربتي كل مالها تحببني في التخصص بشكل أكثر، ولا زلت حتى اللحظة قاعد أكتشف مجالات وأشياء جديدة. التخصص مليان أشياء ودي أتعلمها، ولا زال ما قدر يشبع فضولي.
- إيش أكثر الأشياء اللي ممكن تفيدك خلال مسيرتك الجامعية؟
صراحة الأشياء اللي ممكن تساعدك كثيرة وتختلف من شخص لشخص، ولكن أهم الأشياء اللي شخصيًا كان لها تأثير كبير علي هي:
• مسابقات التقط العلم: ممكن تشوفوا إني ذكرتها أكثر من مرة، ولكن هذا الشي ما جاء إلا بسبب جمالها. حقيقة، هي اللي فتحت عيني على كل المجالات في التخصص، كان لها أثر جميل جدًا ولا زال على استمتاعي بهذي الرحلة.
• مجتمعات السايبر: صراحة المجتمعات جدًا رهيبة، منها تقدر تحصل أجوبة على كل استفساراتك في المجال، وتتعرف فيها على ناس شغوفة، لأن كل ما صاحبت الشغوفين في المجال حيزيد شغفك، فحاول تتعرف على الناس الشغوفة.
• حضور فعاليات ومؤتمرات: المؤتمرات والفعاليات اللي تصير زي BlackHat وغيرها، حاولوا بقدر ما تستطيعون إنكم ما تفوتوها، لأنها تجمع فيها كل الناس المهتمة في المجال وتشوف الأبحاث والأدوات الجديدة والمسابقات اللي تصير هناك، وبرضو الدورات اللي تقدم هناك. يعني حقيقة، حاجة زي BlackHat ممكن تعطيك حافز يكفيك سنتين قدام.
صحيح الشغف مهم، ولكن مو حاجة حتكون معاك طول فترة دراستك، طبيعي تجيك فترات إحباط وكسل، بس ضروري إنك تكافح على قد ما تقدر، وفيه فرق بين الكفاح وبين إنك ترهق نفسك فوق ما تتحمل. متى ما حسّيت إنك فقدت اهتمامك بمجال معين، حاول تجرب مجال ثاني، ترى مجالات التخصص كثيرة، وإلا ما تلقى نفسك في وحدة من هذي المجالات.
- وش رأيك في مستقبل وظائف الأمن السيبراني؟ وكيف تشوف سوق العمل؟
الوظائف في ذا التخصص موجودة وبقوة، خصوصًا في مجال البلو تيم، وحتى الريد برضو، ولكن البلو أكثر. ادخلوا على LinkedIn وابحثوا عن وظائف الأمن السيبراني، وحتشوفوا كيف متوفرة الفرص. مهما كان، لا تخافوا من ناحية سوق العمل، طالما إنك اشتغلت على نفسك، وأخذت شهادات احترافية ممتازة، وشاركت في مسابقات، وقدرت تثبت نفسك، تطمّن مستقبلك الوظيفي بإذن الله حيكون مستقبل باهر.
- كيف تشوف الخطة الدراسية؟
الخطة الدراسية ممتازة، بس لازم تفهم الهدف منها. لا تتوقع إنها تطلعك محترف في مجال معين، لأنها ما انبنت على هذا الأساس. الهدف منها إنها تعطيك الأساسيات في مجالات مختلفة داخل الأمن السيبراني مثل اختبار الاختراق، تطوير الثغرات، التشفير، وصيد التهديدات. تعرّفك على كل مجال وتعطيك فكرة واضحة عنه، وبعدها يصير عليك الدور إنك تختار المسار اللي يناسبك وتتعمق فيه. السنة الأولى في التخصص حتركز على المواد النظرية بشكل أكبر عشان تفهم وش هو الأمن السيبراني وعن إيش يتكلم، وحتعطيك الأساس النظري اللي تحتاجه. السنة الثانية حتكون أغلبها مواد عملية، وحتختمها بالتدريب التعاوني عشان تغطي الجانب العملي من التخصص، وآخر سنة تركز على مجالك الخاص اللي اخترته في مشروع تخرجك والمواد الاختيارية اللي عندك. يعني خطة مثالية، الخطة حتعطيك كل الأساس اللي تحتاجه، والباقي عليك.
- نصيحتك للي ناوي يدخل الأمن السيبراني؟
ابدأوا تعلمكم من هذي المرحلة، خذوا الأساسيات في المجال وتعمقوا في التخصص من بدري. كل ما حددت مجالك من بدري، كل ما كنت مبدع أكثر فيه. حاولوا تجربوا كل المجالات في أول سنة من التخصص، وفي آخر سنتين اختاروا مجال منهم تحسوا إنه ناسبكم، وحاولوا تتعلموا كل حاجة عنه. (اتعلموا شيء من كل مجال، واتعلموا كل حاجة عن مجال واحد). تعرفوا على الناس اللي في نفس المجال، اسألوهم، وابحثوا، وشاركوا في كل لقاء، وخليكم فضوليين، وبإذن الله حتكون رحلة ممتعة جدًا وتخلّد في ذكرياتكم.